"Manchester Yunayted" yarim himoyachisi Meyson Maunt jamoadagi muammolar haqida o‘z fikrlari bilan o‘rtoqlashdi.
“Qizil iblislar” joriy Premyer-liganing dastlabki yetti uchrashuvida to‘rtta mag‘lubiyat alamini totib ko‘rdi. Ayni damda Erik ten Xag jamoasi chempionat jadvalida atigi o‘ninchi o‘rinni egallab turibdi.
“Vaziyatni baholab, qaysi sohalarni yaxshilashimiz kerakligini ko‘rishimiz kerak. Biz g‘alaba qozonishni xohlaymiz, shuning uchun biz kuchliroq bo‘lishimiz kerak. Maqsadimiz - o‘zimiz ishtirok etayotgan barcha turnirlarda muvaffaqiyat qozonish", - deya o‘tgan yozda Londonning "Chelsi" klubidan "Manchester Yunayted"ga ko‘chib o‘tgan Mauntdan iqtibos keltiradi Mirror.
