"Манчестер Юнайтед" ярим ҳимоячиси Мейсон Маунт жамоадаги муаммолар ҳақида ўз фикрлари билан ўртоқлашди.

“Қизил иблислар” жорий Премьер-лиганинг дастлабки етти учрашувида тўртта мағлубият аламини тотиб кўрди. Айни дамда Эрик тен Хаг жамоаси чемпионат жадвалида атиги ўнинчи ўринни эгаллаб турибди.

“Вазиятни баҳолаб, қайси соҳаларни яхшилашимиз кераклигини кўришимиз керак. Биз ғалаба қозонишни хоҳлаймиз, шунинг учун биз кучлироқ бўлишимиз керак. Мақсадимиз - ўзимиз иштирок этаётган барча турнирларда муваффақият қозониш", - дея ўтган ёзда Лондоннинг "Челси" клубидан "Манчестер Юнайтед"га кўчиб ўтган Маунтдан иқтибос келтиради Mirror.