FIFA Rossiya yoshlar terma jamoalariga o‘z shafeligidagi rasmiy musobaqalarda ishtirok etishiga ruxsat berdi.
Tegishli qaror chorshanba kuni FIFA kengashi yig‘ilishida qabul qilindi. Shu bilan birga, rossiyalik yoshlar FIFA turnirlarida shartli – bayroqsiz va davlat madhiyasisiz o‘ynashlari mumkin bo‘ladi.
Avvalroq, o‘tgan haftada UYEFA xuddi shunday qaror qabul qilgandi. Shundan so‘ng bir qator Yevropa milliy uyushmalari bunga qarshi boykot e’lon qilishgan.
Eslatib o‘tamiz, Rossiyaga qarshi sanksiyalar UYEFA va FIFA tomonidan bir yarim yil avval kiritilgan edi.
Endi vaziyat yumshadi - hech bo‘lmaganda Rossiya yoshlar terma jamoalari xalqaro o‘yinlarni o‘tkazishlari mumkin.
