ФИФА Россия ёшлар терма жамоаларига ўз шафелигидаги расмий мусобақаларда иштирок этишига рухсат берди.
Тегишли қарор чоршанба куни ФИФА кенгаши йиғилишида қабул қилинди. Шу билан бирга, россиялик ёшлар ФИФА турнирларида шартли – байроқсиз ва давлат мадҳиясисиз ўйнашлари мумкин бўлади.
Аввалроқ, ўтган ҳафтада УЕФА худди шундай қарор қабул қилганди. Шундан сўнг бир қатор Европа миллий уюшмалари бунга қарши бойкот эълон қилишган.
Эслатиб ўтамиз, Россияга қарши санкциялар УЕФА ва ФИФА томонидан бир ярим йил аввал киритилган эди.
Энди вазият юмшади - ҳеч бўлмаганда Россия ёшлар терма жамоалари халқаро ўйинларни ўтказишлари мумкин.
