Dani Olmo faoliyatini "Barselona"da davom ettirishi mumkin.
Sport Bild nashri xabariga ko‘ra, Olmo yozda "Leypsig"ni tark etishi deyarli aniq. Yarim himoyachining "Barselona"ga o‘tish ehtimoli katta.
Oldinroq "ko‘k-anorranglilar” vakillari, jumladan Xavi Qatardagi jahon chempionati vaqtida Olmo bilan uchrashib, uni klubga o‘tishga ko‘ndirgani haqida xabar berilgandi.
O‘tgan yozda Dani Olmo "Leypsig" bilan shartnomasini 2027 yilgacha uzaytirdi. Qayd etilishicha, ispaniyalik futbolchining shartnomasi bo‘yicha tovon puli miqdori 60-65 million yevroni tashkil etadi va uni 2024 yilda faollashtirish mumkin, ammo "Barselona" uchun bu miqdor kamroq bo‘lishi mumkin.
Avvalroq, futbolchiga "Real" klubi qiziqish bildirayotgani haqida xabar tarqalgandi.
