Bundesliganing eng yaxshi to‘purari, "Shtutgart" hujumchisi Seru Girassiga Angliya Premyer-ligasidan da’vogarlar bor. 90min xabariga ko‘ra, gvineyalik xizmatlariga "Brentford" va "Vest Xem" qiziqish bildirmoqda.
Manba bergan xabarga ko‘ra, Londonning har ikki klubi hujumchini kuzatib borish uchun allaqachon o‘z skautlarini yuborgan. Bundan tashqari, Girassini "Bornmut" va "Kristal Pelas" ham kuzatib borishmoqda.
Eslatib o‘tamiz, Girassi joriy mavsumda yetti turda 13 ta gol urdi.
“Shtutgart” 18 ochko bilan Bundesliga turnir jadvalida ikkinchi o‘rinda bormoqda.