"Fiorentina" sport direktori Daniele Prade hujumchi Nikolas Gonsales yozgi transfer oynasida jamoani tark etishi mumkinligini aytdi.
"Avgust oyida prezidentimiz Gonsales uchun katta taklifni - 45 million yevroni rad etdi", - deya funksionerning so‘zlaridan iqtibos keltiradi jurnalist Fabrisio Romano.
Qayd etilishicha, 25 yoshli argentinalik futbolchining xizmatlariga "Brentford" klubi qiziqish bildirgan, biroq "binafsharanglilar" inglizlarning taklifini qabul qilishmagan.
Gonsales 2021 yildan beri "Fiorentina"da o‘ynab kelmoqda. Joriy mavsumda futbolchi barcha turnirlarni hisobga olgan holda 11 uchrashuvda maydonga tushib, 7 ta gol urdi va ikkita golli uzatmani amalga oshirdi.













