"Фиорентина" спорт директори Даниэле Праде ҳужумчи Николас Гонсалес ёзги трансфер ойнасида жамоани тарк этиши мумкинлигини айтди.
"Август ойида президентимиз Гонсалес учун катта таклифни - 45 миллион еврони рад этди", - дея функционернинг сўзларидан иқтибос келтиради журналист Фабрицио Романо.
Қайд этилишича, 25 ёшли аргентиналик футболчининг хизматларига "Брентфорд" клуби қизиқиш билдирган, бироқ "бинафшаранглилар" инглизларнинг таклифини қабул қилишмаган.
Гонсалес 2021 йилдан бери "Фиорентина"да ўйнаб келмоқда. Жорий мавсумда футболчи барча турнирларни ҳисобга олган ҳолда 11 учрашувда майдонга тушиб, 7 та гол урди ва иккита голли узатмани амалга оширди.
