Shotlandiya futbol assosiasiyasi Yevropa futbol assosiasiyalari ittifoqidan (UYEFA) shotlandiyalik yarim himoyachi Skott Maktominey tomonidan Ispaniya bilan Yevro-2024 saralash bosqichi A guruhi 7-turida urilgan gol bo‘yicha tushuntirish so‘radi. Bu haqda Daily Mail nashri xabar bermoqda.

Eslatib o‘tamiz, o‘yinning 60-daqiqasida Maktominay to‘g‘ridan-to‘g‘ri jarima zarbasini amalga oshirgan, ammo bu golni VAR ko‘rib chiqib, uchrashuv bosh hakami tomonidan bekor qilingandi. Golning bekor qilinishiga dastlab hujumdagi qoidabuzarlik sabab bo‘lgan bo‘lsa, keyinchalik hakam o‘sha epizodda ofsayd qayd etgani ma’lum bo‘ldi.

Uchrashuv Alvaro Morata va Oyan Sansetning gollari evaziga ispanlarning 2:0 hisobidagi g‘alabasi bilan yakunlandi. 2024 yilgi Yevropa chempionati saralash bosqichidagi beshta o‘yindan so‘ng Ispaniya terma jamoasi 12 ochko jamg‘arib, “A” guruhi turnir jadvalida ikkinchi o‘rinda bormoqda. Shotlandiya terma jamoasi saralashning olti o‘yinida 15 ochko jamg‘arib, birinchi o‘rinda bormoqda.