"Inter"ning sobiq yarim himoyachisi, ispaniyalik Borxa Valeroning fikricha, "Inter"dan 1:5 hisobidagi mag‘lubiyat "Milan"ni sindira olmadi. Uning ta’kidlashicha, "rossonerilar" o‘sha katta muvaffaqiyatsizlikdan yaxshi chiqib keta olgan.
- O‘sha muvaffaqiyatsizlik "Milan" uchun katta bo‘lgan bo‘lsa-da, Stefano Pioli uchun bu kuchli signalga aylandi. "Milan inqirozga uchramadi, u darhol o‘zini tiklab oldi", - deya Valeroning so‘zlaridan iqtibos keltiradi pianetamilan.it.
Italiya chempionatining navbatdagi, 9-turida “Milan” Turinning “Yuventus” jamoasi bilan kuch sinashadi. Ayni vaqtda "Milan" turnir jadvalida birinchi, "Inter" ikkinchi o‘rinda bormoqda.
