Madridning "Real" klubi yarim himoyachisi Eduardo Kamavinga maydondagi qaysi pozisiyada o‘ynash unga ko‘proq yoqishini aytdi.
"Chap qanot himoyasida o‘ynash? Mendan har kuni bu haqda so‘rashadi. Menga kerak bo‘lganda jamoada o‘ynaydigan odamman. Ilgari bu pozisiyani bilmasdim, lekin o‘sha yerga moslashdim, Fransiya terma jamoasida yoki "Real"da u pozisiyada o‘ynaganman.
Menga bu pozisiya yoqmaydi (chap qanot himoya). O‘ylaymanki, buni hamma biladi, lekin u yerda o‘ynashim kerak bo‘lsa, men buni zavq bilan qilaman. Men hali ham yarim himoyachiman.
Men chap qanot himoyachisi sifatida o‘ynashim kerak bo‘lsa, bu unchalik qiyin emas. Murabbiy bilan gaplashdim, lekin har doim aytganimdek, eng muhimi jamoa. Men jamoaviy o‘yinchiman, hatto menga yoqmasa ham u yerda o‘ynashga tayyorman", - dedi Kamavinga.
