Мадриднинг "Реал" клуби ярим ҳимоячиси Эдуардо Камавинга майдондаги қайси позицияда ўйнаш унга кўпроқ ёқишини айтди.

"Чап қанот ҳимоясида ўйнаш? Мендан ҳар куни бу ҳақда сўрашади. Менга керак бўлганда жамоада ўйнайдиган одамман. Илгари бу позицияни билмасдим, лекин ўша ерга мослашдим, Франция терма жамоасида ёки "Реал"да у позицияда ўйнаганман.

Менга бу позиция ёқмайди (чап қанот ҳимоя). Ўйлайманки, буни ҳамма билади, лекин у ерда ўйнашим керак бўлса, мен буни завқ билан қиламан. Мен ҳали ҳам ярим ҳимоячиман.

Мен чап қанот ҳимоячиси сифатида ўйнашим керак бўлса, бу унчалик қийин эмас. Мураббий билан гаплашдим, лекин ҳар доим айтганимдек, энг муҳими жамоа. Мен жамоавий ўйинчиман, ҳатто менга ёқмаса ҳам у ерда ўйнашга тайёрман", - деди Камавинга.