Madridning “Real” klubi sobiq bosh murabbiyi Fabio Kapello nega 2007 yilda avvalroq bu klubda 5 yil ishlagan braziliyalik Ronaldoni jamoadan chetlashtirishga qaror qilgani haqida gapirdi. Kapelloning so‘zlariga ko‘ra, u braziliyalikning o‘yin-kulgilari va ortiqcha vaznidan charchagan.
"2007 yilning fevralida men uni haydab yuborishga qaror qildim, chunki u ziyofat uyushtirishni va ularga boshqa o‘yinchilarni jalb qilishni yaxshi ko‘rardi. Van Nistelroy bir marta menga kiyinish xonasidan spirtli ichimliklar hidi kelayotganini aytdi va bu haqiqat bo‘lib chiqdi. O‘shanda Ronaldoning vazni 94 kilogramm edi. Biz uni sotib olganimizda, 2002 yilda uning vazni 82 edi va men undan ozishini talab qildim. Buning o‘rniga u semirib ketdi", - deb Kapello so‘zlarini keltirmoqda pianetamilan.it.
