Shvesiya terma jamoasi sardori Viktor Lindelof Belgiyaga qarshi Yevro-2024 saralash o‘yiniga ta’sir qilgan voqea haqida fikr bildirdi.
Jamoalar birinchi bo‘limdan so‘ng o‘yinni yakunlamaslikka qaror qilishdi, chunki o‘yindan biroz oldin Bryusselda noma’lum shaxs Shvesiya terma jamoasining ikki muxlisini otib o‘ldirib, birini yarador qildi. Jinoyat, dastlabki ma’lumotlarga ko‘ra, diniy xususiyatga ega va Shvesiyadagi voqealarga nisbatan qasosdir. Belgiya hukumati Shvesiya delegasiyasi va muxlislarni xavfsiz evakuasiya qilish uchun ularni stadionda saqlashga qaror qildi.
“Sardor sifatida o‘yinni to‘xtatish tashabbusini o‘z qo‘limga oldim. Avval jamoadoshlarim bilan, keyin belgiyaliklar bilan gaplashdim va biz tezda o‘yinni to‘xtatish kerakligi haqida bir fikrga keldik.
Eng muhimi, shvedlar endi xavfsiz. Shvesiya formasini kiyganingiz uchun xavf ostida qolish qo‘rqinchlidir.
Bu yerda o‘zimni xavfsiz his qilaman. Stadion, ehtimol, eng xavfsiz joydir", - deya Lindelofning so‘zlarini keltiradi Xet Nieuwsblad.
