"Barselona"ning bo‘lajak yangi futbolchisi Vitor Roke Braziliya terma jamoasining afsonaviy sobiq futbolchisi Ronaldo bilan solishtirishga javob berdi.
Ayni paytda Braziliyaning “Atletiko Paranaense” jamoasida o‘ynayotgan 18 yoshli forvard kelasi yili “blaugrana” safiga qo‘shiladi.
“Ronaldo bilan solishtirish men uchun katta sharaf. Umid qilamanki, men uning izidan borib, o‘z hikoyamni yozaman", - deya Rokening so‘zlarini keltiradi Barca Times.
Vitor Roke barcha musobaqalarda "Atletiko Paranaense" asosiy jamoasi safida 78 ta o‘yinda 27 ta gol urgan.
