Fransiyada Karim Benzemani fuqarolikdan va "Oltin to‘p"dan mahrum qilishga chaqirishmoqda.

Fransiya va "Real Madrid"ning sobiq hujumchisi Yaqin Sharqdagi mojaro haqida fikr bildirgandi: "Biz ayollar va bolalarni ayamaydigan nohaq portlash qurboni bo‘lgan G‘azo xalqi uchun yana duo qilamiz". Shundan so‘ng, Fransiya ichki ishlar vaziri Jerald Darmanin Karimning terrorchilar bilan aloqasi borligini e’lon qildi: "Bizga ma’lumki, Benzema “Musulmon birodarlar” bilan aloqador".

"Ichki ishlar vaziri ta’kidlaganidek, Karim Benzema "Musulmon birodarlar" bilan aloqador bo‘lsa, sanksiyalar qo‘llanilishini, xususan, fuqaroligidan mahrum etilishini talab qilaman.

Mamlakatimizga doimiy tahdid solayotganlarga qarshi shoshilinch chora ko‘rish zarur", — deb yozadi Fransiya Milliy Assambleyasining o‘ng markazchi liberal-konservativ "Respublikachilar" partiyasi a’zosi va Marchel shahrining vise-meri Valeri Buaye.

Eslatib o‘tamiz, iyun oyida Saudiya Arabistonining "Al-Ittihod" klubiga o‘tgan Karim Benzema ikki fuqarolik – Fransiya va Jazoir fuqaroligiga ega.