Францияда Карим Бенземани фуқароликдан ва "Олтин тўп"дан маҳрум қилишга чақиришмоқда.
Франция ва "Реал Мадрид"нинг собиқ ҳужумчиси Яқин Шарқдаги можаро ҳақида фикр билдирганди: "Биз аёллар ва болаларни аямайдиган ноҳақ портлаш қурбони бўлган Ғазо халқи учун яна дуо қиламиз". Шундан сўнг, Франция ички ишлар вазири Жераьлд Дарманин Каримнинг террорчилар билан алоқаси борлигини эълон қилди: "Бизга маълумки, Бензема “Мусулмон биродарлар” билан алоқадор".
"Ички ишлар вазири таъкидлаганидек, Карим Бензема "Мусулмон биродарлар" билан алоқадор бўлса, санкциялар қўлланилишини, хусусан, фуқаролигидан маҳрум этилишини талаб қиламан.
Мамлакатимизга доимий таҳдид солаётганларга қарши шошилинч чора кўриш зарур", — деб ёзади Франция Миллий Ассамблеясининг ўнг марказчи либерал-консерватив "Республикачилар" партияси аъзоси ва Марчель шаҳрининг вице-мэри Валери Буайе.
Эслатиб ўтамиз, июнь ойида Саудия Арабистонининг "Ал-Иттиҳод" клубига ўтган Карим Бензема икки фуқаролик – Франция ва Жазоир фуқаролигига эга.
