JCH-2026 saralashining 2-bosqichida O‘zbekiston bilan bir guruhdan o‘rin olgan Gonkong terma jamoasining 16 noyabr kungi 1-tur o‘yini uchun Eronga uchishi so‘roq ostida qolmoqda.
Gonkong futbol assosiasiyasi matbuot kotibining xabar berishicha, hozirda Yaqin Sharqdagi notinch vaziyatni inobatga olgan holda, Tehronga uchish qanchalik xavfli bo‘lishi mumkinligi o‘rganib chiqilmoqda.
Eron va Gonkong terma jamoalari Tehronda oxirgi marta 1977-yil ya’ni "Islom inqilobi"dan oldin o‘ynashgan. Terma jamoalar JCH-2022 saralashida ham bir guruhdan o‘rin olishganiga qaramasdan, Tehronda o‘tkazilishi lozim bo‘lgan o‘yin KOVID pandemiyasi tufayli Bahraynda o‘tkazilgan edi.
