"Tottenxem" yarim himoyachisi Jeyms Meddison muntazam ravishda jamoadoshlari uchun golli vaziyatlar yaratmoqda.
Angliyalik futbolchi "Fulxem"ga qarshi o‘yinda (2:0) gol urdi, shuningdek, to‘rtta golli vaziyatga ham erishdi. Squawka ma’lumotlariga ko‘ra, Meddison bu borada 29 ta uyushtirilgan golli imkoniyat bilan Premyer-ligada yetakchilik qilmoqda. “Shporlar” yarim himoyachisi reytingda “Nyukasl” futbolchisi Kiran Trippyerga yetib oldi. "Manchester Yunayted" vakili Brunu Fernandesh ortda qoldi.
Bugungi g‘alabadan so‘ng “Tottenxem” yakkama o‘zi APL turnir jadvalida “Arsenal”dan o‘zib ketdi.