"Тоттенхэм" ярим ҳимоячиси Жеймс Мэддисон мунтазам равишда жамоадошлари учун голли вазиятлар яратмоқда.
Англиялик футболчи "Фулхэм"га қарши ўйинда (2:0) гол урди, шунингдек, тўртта голли вазиятга ҳам эришди. Squawka маълумотларига кўра, Мэддисон бу борада 29 та уюштирилган голли имконият билан Премьер-лигада етакчилик қилмоқда. “Шпорлар” ярим ҳимоячиси рейтингда “Ньюкасл” футболчиси Киран Триппьерга етиб олди. "Манчестер Юнайтед" вакили Бруну Фернандеш ортда қолди.
Бугунги ғалабадан сўнг “Тоттенхэм” яккама ўзи АПЛ турнир жадвалида “Арсенал”дан ўзиб кетди.