Vyetnam ayollar terma jamoasi bosh murabbiyi Mai Duk Chung va jamoa sardori Xyuyn Nyi Parij Olimpiadasi 2-saralash bosqichi oldidan o‘tkazilgan matbuot anjumanida ishtirok etdi.
Mai Duk Chung:
«O‘zbekistonga ikkinchi bor tashrif buyurganimdan xursandman. O‘tgan vaqt davomida terma jamoangizning darajasi ancha o‘sdi va buni Osiyo o‘yinlarida qayd etilgan natija ham ko‘rsatib turibdi.
Bu Parij Olimpiadasi saralash bosqichidagi eng kuchli guruhlardan biri. Chunki Yaponiya dunyoning yetakchi terma jamoalari qatorida e’tirof etiladi. Keyingi bosqichga yo‘l olishimiz qiyin bo‘ladi. Ammo buning uchun har bir futbolchi o‘z darajasidan yuqori harakat qilishi zarur», – dedi murabbiy.
