Вьетнам аёллар терма жамоаси бош мураббийи Маи Дук Чунг ва жамоа сардори Хюйн Нйи Париж Олимпиадаси 2-саралаш босқичи олдидан ўтказилган матбуот анжуманида иштирок этди.
Маи Дук Чунг:
«Ўзбекистонга иккинчи бор ташриф буюрганимдан хурсандман. Ўтган вақт давомида терма жамоангизнинг даражаси анча ўсди ва буни Осиё ўйинларида қайд этилган натижа ҳам кўрсатиб турибди.
Бу Париж Олимпиадаси саралаш босқичидаги энг кучли гуруҳлардан бири. Чунки Япония дунёнинг етакчи терма жамоалари қаторида эътироф этилади. Кейинги босқичга йўл олишимиз қийин бўлади. Аммо бунинг учун ҳар бир футболчи ўз даражасидан юқори ҳаракат қилиши зарур», – деди мураббий.
