«Chelsi» va «Liverpul»ning sobiq yarim himoyachisi Jo Koul mersisaydliklarning Yevropa ligasidagi imkoniyatlariga baho berdi.
Eslatib o‘tamiz, kecha, 26 oktyabr kuni «qizillar» Yevropaning ikkinchi muhim klublar turniri guruh bosqichi 3-turi doirasidagi o‘yinda «Tuluza»ni mag‘lub etishdi (5:1). Koulning fikricha, «Liverpul» Yevropa ligasida g‘alaba qozonishi kerak.
«Bu ularning turniri emas. Agar «Liverpul» Chempionlar ligasida bo‘lganida, finalga chiqishi mumkin edi, degan bo‘lardik. «Liverpul» kuchayib borsa, ularni to‘xtatish juda qiyin bo‘ladi», - deya Koulning so‘zlarini keltiradi BBC.