«Челси» ва «Ливерпул»нинг собиқ ярим ҳимоячиси Жо Коул мерсисайдликларнинг Европа лигасидаги имкониятларига баҳо берди.

Эслатиб ўтамиз, кеча, 26 октябрь куни «қизиллар» Европанинг иккинчи муҳим клублар турнири гуруҳ босқичи 3-тури доирасидаги ўйинда «Тулуза»ни мағлуб этишди (5:1). Коулнинг фикрича, «Ливерпуль» Европа лигасида ғалаба қозониши керак.

«Бу уларнинг турнири эмас. Агар «Ливерпуль» Чемпионлар лигасида бўлганида, финалга чиқиши мумкин эди, деган бўлардик. «Ливерпуль» кучайиб борса, уларни тўхтатиш жуда қийин бўлади», - дея Коулнинг сўзларини келтиради BBC.