Qatarda Osiyo futbol konfederasiyasining yil yakunlariga bag‘ishlangan marosimlar bo‘lib o‘tdi.
O‘zbekiston futbol assosiasiyasi OFK murabbiylik konvensiyasining Pro darajasi va OFK Elite Youth dasturining 3 yulduzli darajasi bilan taqdirlandi.
OFK Elite Youth 3 yulduzli darajasi keng doiradagi xizmatlar, yuqori darajadagi infratuzilma hamda muvaffaqiyatli natijalar uchun taqdim etiladi.
Shuningdek, O‘zbekistonda murabbiylar uchun OFKning Pro lisenziyalarini taqdim etuvchi o‘quv-kurslarini davom ettirishga imkon beradigan maxsus diplom topshirildi. Diplomlarni OFK rahbari Shayx Salmon bin Ibrohim Al Halifadan O‘FA birinchi vise-prezidenti Ravshan Irmatov qabul qilib oldi.
