Yevro-2024 saralashi doirasidagi Kosovo va Isroil o‘rtasidagi o‘yin xavfsizlik nuqtai nazaridan "yopiq eshiklar ortida" o‘tishi mumkin, deya xabar bermoqda "Sport Ekspress" nashri.
O‘yin 12 noyabr, yakshanba kuni Prishtina (Kosovo) shahrida bo‘lib o‘tishi rejalashtirilgan. Mahalliy futbol federasiyasi hali chiptalarni sotishni boshlamagan.
Yakuniy qaror bugun Kosovo futbol federasiyasi vakillari va mahalliy xavfsizlik tuzilmalari o‘rtasidagi uchrashuvda qabul qilinishi kerak. Kosovo-Isroil o‘yini 15 oktyabr kuni bo‘lib o‘tishi kerak edi, o‘yin Isroil va Falastin o‘rtasidagi ziddiyat tufayli 12 noyabrga ko‘chirildi.
