"Manchester Yunayted" Chempionlar ligasi guruhida so‘nggi o‘ringa tushib ketdi.

Bugun Erik ten Xag shogirdlari “Kopengagen”ga imkoniyatni boy berishdi (3:4).

“Yunayted” 4 turdan keyin “A” guruhida 3 ochko bilan so‘nggi, 4-o‘rinni egallab turibdi. 12 ochko jamg‘argan “Bavariya” turnirning pley-off bosqichiga yo‘llanmani kafolatladi.

“Kopengagen” va “Galatasaroy”da 4 ochko bor, Daniya jamoasi to‘plar farqi yaxshiroq bo‘lgani evaziga yuqori o‘rinni egallab turibdi.

5-turda “Manchester Yunayted” safarda “Galatasaroy” bilan, 6-turda esa o‘z maydonida “Bavariya” bilan o‘ynaydi.