PSV hujumchisi Lyuk de Yong Chempionlar ligasi guruh bosqichi 4-turi doirasidagi “Lans” ustidan qozonilgan g‘alaba (1:0) haqida fikr bildirdi. Hujumchi uchrashuvning eng yaxshi futbolchisi deb topildi.
“Chempionlar ligasida “Eng yaxshi futbolchi” sovrinini olish o‘zgacha tuyg‘u. Bu eng yuqori darajadagi futbol, shuning uchun men bu sovrinni qadrlayman, ammo jamoaning sa’y-harakatlarisiz hech narsa bo‘lmasdi. Mening uyda ikkita kichkina o‘g‘lim bor, shuning uchun ular qandaydir tarzda kubokni o‘zaro taqsimlashlari kerak. O‘ylaymanki, uni bir xonada qoldirib, ertasi kuni boshqa o‘g‘limning xonasiga ko‘chiraman. Bu ular uchun yaxshi o‘rnak bo‘ladi, ular otalari nima yutganini ko‘rishlari kerak", - dedi de Yong UYEFA matbuot xizmatiga.
PSV 5 ochko jamg‘arib, “B” guruhida 5 ochkoga ega “Lans”ni ortda qoldirib, 2-o‘ringa ko‘tarilib oldi.
