Rivaldo va Neymarning singlisi Braziliyadagi davlat to‘ntarishiga urinishni moliyalashtirgan bo‘lishi mumkin.
2023 yil yanvar oyida prezidentlik saylovlarida Lula da Silvaga yutqazgan Jair Bolsonaro tarafdorlari Braziliyadagi prezident qarorgohini egallab olishga urindilar. Namoyishlarni bostirishga Braziliya armiyasi jalb qilingan, harbiy vertolyot safarbar etilgan.
CNN ma’lumotlariga ko‘ra, Braziliya terma jamoasining sobiq futbolchisi Rivaldo va Neymarning singlisi Rafaella Bekran Bolsonaro tarafdorlarining namoyishlariga homiylik qilganlikda gumon qilinmoqda.
Federal polisiya ularning namoyishchilar uchun qilgan xayriyalarini tekshirmoqda.
Eslatib o‘tamiz, Neymar Jair Bolsonaroning saylovoldi kampaniyasida ishtirok etgan. Braziliya terma jamoasi hujumchisi siyosatchini qo‘llab-quvvatladi.
