"Milan"ning sobiq futbolchisi Kevin-Prins Boateng Massimiliano Allegri boshchiligidagi "Yuventus"ning istiqbollariga baho berdi.
“Byankonerilar” 12 turdan keyin 29 ochko bilan A Seriya turnir jadvalida ikkinchi o‘rinda bormoqda. Peshqadam “Inter” hisobida yana ikki ochko bor.
"Yuventus"da avvalgi chempion jamoa yo‘q, ammo Allegri hali ham ajoyib ish qilyapti. O‘ylaymanki, "Yuventus" u bilan birga Skudetto uchun kurashadi. Maks ajoyib murabbiy, u doimo futbolchilarni himoya qiladi va qiyin vaziyatlarda ham xotirjamlikni saqlaydi. Balki, uning qo‘l ostida jamoa unchalik ajoyib o‘yin ko‘rsatmayotgandir, ammo bu ularning natijalarga erishishiga to‘sqinlik qilmaydi", - dedi Allegri bilan "Milan"da birga ishlagan Boateng.
