"Bavariya" hujumchisi Xarri Keyn myunxenliklar tarkibida o‘zining birinchi o‘yini haqidagi savolga javob berdi. Eslatib o‘tamiz, futbolchi o‘tgan yozda "Tottenxem"dan Germaniyaga ko‘chib o‘tgandi.
"Bu yerda debyutimni o‘tkazish ajoyib bo‘ldi. Atmosfera qandaydir o‘zgacha edi va o‘shandan beri men bu alohida hodisa emasligini angladim. Germaniyada men ko‘rgan eng ishtiyoqli muxlislar bor" - dedi Keyn FourFourTwo nashriga.
"Bavariya" safida 30 yoshli hujumchi barcha musobaqalarda 16 ta o‘yin o‘tkazib, 21 ta gol urdi va 7 ta golli uzatmani amalga oshirdi.
11 turdan so‘ng, "Bavariya" o‘z g‘aznasiga 29 ochko qo‘shishga muvaffaq bo‘lib, Bundesligada ikkinchi o‘rinda bormoqda.
