"Бавария" ҳужумчиси Харри Кейн мюнхенликлар таркибида ўзининг биринчи ўйини ҳақидаги саволга жавоб берди. Эслатиб ўтамиз, футболчи ўтган ёзда "Тоттенхэм"дан Германияга кўчиб ўтганди.
"Бу ерда дебютимни ўтказиш ажойиб бўлди. Атмосфера қандайдир ўзгача эди ва ўшандан бери мен бу алоҳида ҳодиса эмаслигини англадим. Германияда мен кўрган энг иштиёқли мухлислар бор" - деди Кейн FourFourTwo нашрига.
"Бавария" сафида 30 ёшли ҳужумчи барча мусобақаларда 16 та ўйин ўтказиб, 21 та гол урди ва 7 та голли узатмани амалга оширди.
11 турдан сўнг, "Бавария" ўз ғазнасига 29 очко қўшишга муваффақ бўлиб, Бундеслигада иккинчи ўринда бормоқда.
