O‘zPFL tomonidan jamoamiz hujumchisi va to‘purari Rubin Xebayning 8 oktyabr kuni “Paxtakor” darvozasiga urgan super goli oktyabr oyining eng chiroyli goli deb e’tirof etildi.

Bu borada yana qator o‘ziga yarasha urilgan gollar ham bor edi. Ammo Xebayning super zarbasidan so‘ng “Paxtakor” mag‘lub etildi.

Aytish joizki, haqli tarzda Rubin oyning eng chiroyli goli muallifiga aylandi.

Tabiiyki, uni oyning eng chiroyli golini urgani bilan tabrikladik va albaniyalik hujumchi “Andijon” matbuot xizmatiga bu boradagi taassurotlari bilan o‘rtoqlashdi.  

“Katta rahmat. Buni juda ham kutgandim. Rostdan ham ajoyib gol bo‘lgandi. Ushbu golni yanada muhim qiladigan jihati shunda ediki, bu chempion jamoaga qarshi o‘yinda urildi.

Albatta, mening oilam, jamoadoshlarim, do‘stlarim va barcha yangiliklarda ushbu xabarni ko‘rishdi.

To‘g‘risi, kiritgan barcha gollarimni yaxshi ko‘raman. Qachonki, sen gol ursang bu ajoyib hislarni senga taqdim etadi.

Aytib o‘tishim kerakki, o‘tgan oyda kiritilgan gollar menga yoqdi va ularning orasida Sohibjonov, Bozorov va Saitovning gollari ham eng yaxshisi bo‘lishi uchun ajoyib nomzodlar edi”, - deydi Rubin Xebay.

“Andijon” matbuot xizmati.