Italiya terma jamoasi darvozaboni Janluiji Donnarumma Yevro-2024 saralash bosqichi doirasidagi Ukrainaga qarshi o‘yin (0:0) natijalarini sarhisob qildi.
“Biz juda xursandmiz. Biz boshimizdan kechirgan barcha qiyinchiliklarga qaramay, munosib joydamiz. Yangi murabbiy va butun jamoaga rahmat, biz qaytdik. Biz u yerga amaldagi chempion sifatida boramiz va shu ruh bilan o‘ynasak, muvaffaqiyatga erishishimiz mumkinligini bilib, yana bor kuchimizni beramiz. Barcha muxlislarimizga rahmat aytamiz. Ular bizga so‘nggi daqiqalarda aql bovar qilmaydigan yordam berishdi. Hammamiz birlashgan edik", - deya Donnarumma so‘zlarini keltiradi UEFA rasmiy sayti.
