"Inter Mayami" matbuot xizmati Krishtianu Ronaldu o‘ynaydigan "An-Nasr" bilan bir xil turnirda ishtirok etishi haqidagi ma’lumotlar yuzasidan bayonot berdi.
"Bugun “Inter Mayami” futbol klubi Riyadh Season Cup uchun Ar-Riyodda o‘ynashni rejalashtirayotgani haqida e’lon qilindi. Bu haqiqat emas. Press-relizda jamoa xo‘jayini Xorxe Masga tegishli bayonotlar mavjud. Mas mavsumoldi safari haqida na ommaviy, na shaxsiy ravishda hech qanday izoh bermadi.
Birinchi kundan boshlab "Inter Mayami" global brendga aylanishga kirishdi. Shu maqsadda 2024 yilgi mavsumoldi taqvimimizni aniqlash bo‘yicha muzokaralar olib bordik. "Biz o‘z futbolchilarimizni "Inter Mayami"ning birinchi xalqaro turnesida namoyish etishni intiqlik bilan kutamiz, bu yaqin haftalarda e’lon qilinadi" - deyiladi bayonotda.
