"Интер Майами" матбуот хизмати Криштиану Роналду ўйнайдиган "Ан-Наср" билан бир хил турнирда иштирок этиши ҳақидаги маълумотлар юзасидан баёнот берди.
"Бугун “Интер Майами” футбол клуби Riyadh Season Cup учун Ар-Риёдда ўйнашни режалаштираётгани ҳақида эълон қилинди. Бу ҳақиқат эмас. Пресс-релизда жамоа хўжайини Хорхе Масга тегишли баёнотлар мавжуд. Мас мавсумолди сафари ҳақида на оммавий, на шахсий равишда ҳеч қандай изоҳ бермади.
Биринчи кундан бошлаб "Интер Майами" глобал брендга айланишга киришди. Шу мақсадда 2024 йилги мавсумолди тақвимимизни аниқлаш бўйича музокаралар олиб бордик. "Биз ўз футболчиларимизни "Интер Майами"нинг биринчи халқаро турнесида намойиш этишни интиқлик билан кутамиз, бу яқин ҳафталарда эълон қилинади" - дейилади баёнотда.
