Argentina terma jamoasi hujumchisi Lionel Messi Braziliya va Argentina o‘rtasidagi o‘yin oldidan tartibsizliklar, shuningdek, jamoaning kiyim almashtirish xonasiga qaytish qarori haqida fikr bildirdi.
"Polisiya odamlarni qanday urganini, oilalarimiz tribunada turganini ko‘rdik. Xuddi shunday voqea Libertadores kubogi finalida ham yuz bergandi. Futbolchilarni o‘yinlarni davom ettirishdan ko‘ra tribunada nima bo‘layotgani ko‘proq tashvishga soldi. Biz hali ham vaziyatni tinchlantirish uchun o‘ynadik", - dedi Messi o‘yindan keyin.
Stadionda muxlislar o‘rtasidagi mushtlashuv sabab Braziliya va Argentina o‘rtasidagi o‘yinning boshlanishi kechiktirildi. Argentina terma jamoasi maydonni tark etib, kiyinish xonasiga kirib ketdi. O‘yin Toshkent vaqti bilan 05:30 ga belgilangan edi, natijada o‘yin soat 06:00lar atrofida boshlandi.
