Аргентина терма жамоаси ҳужумчиси Лионель Месси Бразилия ва Аргентина ўртасидаги ўйин олдидан тартибсизликлар, шунингдек, жамоанинг кийим алмаштириш хонасига қайтиш қарори ҳақида фикр билдирди.
"Полиция одамларни қандай урганини, оилаларимиз трибунада турганини кўрдик. Худди шундай воқеа Либертадорес кубоги финалида ҳам юз берганди. Футболчиларни ўйинларни давом эттиришдан кўра трибунада нима бўлаётгани кўпроқ ташвишга солди. Биз ҳали ҳам вазиятни тинчлантириш учун ўйнадик", - деди Месси ўйиндан кейин.
Стадионда мухлислар ўртасидаги муштлашув сабаб Бразилия ва Аргентина ўртасидаги ўйиннинг бошланиши кечиктирилди. Аргентина терма жамоаси майдонни тарк этиб, кийиниш хонасига кириб кетди. Ўйин Тошкент вақти билан 05:30 га белгиланган эди, натижада ўйин соат 06:00лар атрофида бошланди.
