"Manchester Yunayted" bosh murabbiyi Erik ten Xag jamoaning hozirgi holati haqida fikr bildirdi.

"Biz burilish nuqtasini ko‘rdik, muay’yan vaziyatlarga qanday munosabatda bo‘lganimizni ko‘rdik, endi biz ushbu vaziyatlarga asoslanamiz. Endi biz bunga asoslanishimiz kerak, chunki bu katta oy.

Biz chindan ham ishonch bilan kutyapmiz, chunki Premyer-ligada hamma hammani mag‘lub eta oladi. Hech kimga oson o‘yin yo‘q, shuning uchun har bir jamoa ochko yo‘qotadi, lekin Premyer-liganing so‘nggi besh o‘yinida biz to‘rtta g‘alaba qozondik. Bu bizga ishonch bag‘ishlaydi.

Keyin bizni safarda "Galatasaroy" va "Nyukasl" bilan o‘yinlar kutib turibdi. Biz juda zich haftani boshlayapmiz - olti kun ichida uchta o‘yin. Guruh va jamoa sifatida biz buni hal qilishimiz kerak" - dedi Ten Xag.

"Manchester Yunayted" APLda 6-o‘rinda, to‘rtinchi o‘rindagi "Tottenxem"dan 5 ochko ortda qolmoqda. "Mankunianliklar" navbatdagi o‘yinini ertaga, 26 noyabr kuni "Everton"ga qarshi o‘tkazadi.