"Манчестер Юнайтед" бош мураббийи Эрик тен Хаг жамоанинг ҳозирги ҳолати ҳақида фикр билдирди.
"Биз бурилиш нуқтасини кўрдик, муайъян вазиятларга қандай муносабатда бўлганимизни кўрдик, энди биз ушбу вазиятларга асосланамиз. Энди биз бунга асосланишимиз керак, чунки бу катта ой.
Биз чиндан ҳам ишонч билан кутяпмиз, чунки Премьер-лигада ҳамма ҳаммани мағлуб эта олади. Ҳеч кимга осон ўйин йўқ, шунинг учун ҳар бир жамоа очко йўқотади, лекин Премьер-лиганинг сўнгги беш ўйинида биз тўртта ғалаба қозондик. Бу бизга ишонч бағишлайди.
Кейин бизни сафарда "Галатасарой" ва "Ньюкасл" билан ўйинлар кутиб турибди. Биз жуда зич ҳафтани бошлаяпмиз - олти кун ичида учта ўйин. Гуруҳ ва жамоа сифатида биз буни ҳал қилишимиз керак" - деди Тен Хаг.
"Манчестер Юнайтед" АПЛда 6-ўринда, тўртинчи ўриндаги "Тоттенхэм"дан 5 очко ортда қолмоқда. "Манкунианликлар" навбатдаги ўйинини эртага, 26 ноябрь куни "Эвертон"га қарши ўтказади.
