Osiyo chempionlar ligasi ikkita mag‘lubiyat bilan boshlagan «Paxtakor» ketma-ket uch o‘yindan buyon ochko to‘plashga muvaffaq bo‘lmoqda.

Maksim Shaskix jamoasi bugun Birlashgan Arab Amirliklarida "Al-Ayn" klubi mehmoni bo‘lib, irodali g‘alabani qo‘lga kiritdi. Toshkentliklar birinchi bo‘lim davomida ustunlikka ega bo‘lganiga qaramay, hisobni mezbonlar ochishdi. Bahsning 18-daqiqasida Eysa Halfan darvozabonimiz bilan yakkama-yakka vaziyatga chiqib, to‘pni darvozaga joyladi.

"Paxtakor"ning hujumlari esa ikkinchi bo‘limda o‘z samarasini bera boshladi. Saitov-CHeran-Erkinov kombinasiyasidan so‘ng  Hojimat yaqin masofadan darvozani ishg‘ol qildi.

Oradan ko‘p o‘tmasdan Cheranning uzatmasidan keyin Erkinov yana raqib jarima maydoniga kirib bordi va bir himoyachini aldab o‘tib, ikkinchi golni urdi.

Dragan Cheran esa 78-daqiqada o‘z hisobiga gol yozib qo‘ydi. Xolmatovning uzatma/zarbasini legioner futbolchi raqib darvozasiga burib yubordi  1:3.

"Paxtakor" ushbu g‘alabadan keyin o‘z ochkolarini 7 taga yetkazdi va yaqqol 2-o‘ringa ko‘tarildi. Jamoa 5 dekabr kuni o‘z maydonida Saudiyaning "Al-Fayha" klubini qabul qiladi. "Sherlar" mazkur o‘yinda g‘alaba qozonsa, pley-offga chiqish uchun boshqa guruhlarda 2-o‘rinni egallagan jamoalar natijasiga qaraydi.

Osiyo chempionlar ligasi - 2023. 5-tur. Al Ayn, BAA.
“AL-AYN” - “PAXTAKOR” - 1:3 (1:0)
Gollar: Eysa Xalfan (18) — Hojimat Erkinov (55, 62), Dragan Cheran (78)
Hakamlar: Adham Mahadmeh, Mustafo Kalaf, Ahmad Moannes (Iordaniya), Ryo Tanimoto (Yaponiya).
"Al-Ayn": Muhammad Busanda, Muhammad Shokir, Abbos Blushi, Kaku, Bandar Ahbabi, Sulton Said, Holid Ali, Jonatas, Mansur Shamsi, Traore, Eysa Xalfan.
"Paxtakor": Pavlyuchenko, Saitov, Azmiddinov, Hamraliyev, Sayfiyev, Asqarov, Xolmatov, Turg‘unboyev, Sobirxo‘jayev, Erkinov, Cheran.
Zaxira: Shevchenko, Quvvatov, Tursunov, O‘rinboyev, Xoldorxonov, Poyonov, Hamdamov, Saidnurullayev, Usmonov, Merk.