Kataloniyaning «Barselona» klubi yarim himoyachisi Frenki de Yong bosh murabbiy Xavi Ernandesning taktik qobiliyatini yuqori baholadi.
Eslatib o‘tamiz, ispaniyalik mutaxassis o‘tgan mavsumda klub safida Ispaniya chempionligini qo‘lga kiritgandi.
«Xavi – juda yaxshi taktik murabbiy. U mayda narsalarga va mayda tafsilotlarga katta e’tibor beradi.
Xavi avval ham yarim himoyada o‘ynagan, bu esa unga e’tibor berish kerak bo‘lgan narsalarni tahlil qilish va aniqlashga yordam beradi.
U kelajakda o‘yinlarni yaxshiroq boshlashimiz kerakligini aytdi. Biz Chempionlar ligasidagi so‘nggi o‘yinni yaxshi boshladik, lekin chempionatda emas», - deya de Yongning so‘zlarini keltirmoqda Barca Universal.
