“Barselona” markaziy himoyachisi Andreas Kristensen "Atletiko"ga qarshi o‘yinda asosiy tarkibda maydonga tushishini kutmagandi.

Uchrashuv boshlanishidan oldin Inigo Martines jarohat oldi - daniyalik shoshilinch tarzda tarkibga kiritildi.

“Hammasi xaotik edi, menda qizib olishga ham vaqt yo‘q edi - men shunchaki o‘yin futbolkamni kiyib, maydonga chiqdim. Qizib olish uchun biroz vaqt kerak bo‘ldi va o‘yinning dastlabki 20 daqiqasi men uchun tayyorgarlik vazifasini o‘tadi. Shundan so‘ng o‘zimni yaxshi his qildim, ammo o‘yinning boshlanishini men uchun tayyorgarlik deb hisoblash mumkin", - deya markaziy himoyachining so‘zlaridan iqtibos keltiradi ispan OAVlari.

Andreas Kristensen to‘liq o‘yinni maydonda o‘tkazdi va "Barselona"ning "Atletiko Madrid" ustidan quruq g‘alaba qozonishiga yordam berdi - 1:0.