“Барселона” марказий ҳимоячиси Андреас Кристенсен "Атлетико"га қарши ўйинда асосий таркибда майдонга тушишини кутмаганди.
Учрашув бошланишидан олдин Иньиго Мартинес жароҳат олди - даниялик шошилинч тарзда таркибга киритилди.
“Ҳаммаси хаотик эди, менда қизиб олишга ҳам вақт йўқ эди - мен шунчаки ўйин футболкамни кийиб, майдонга чиқдим. Қизиб олиш учун бироз вақт керак бўлди ва ўйиннинг дастлабки 20 дақиқаси мен учун тайёргарлик вазифасини ўтади. Шундан сўнг ўзимни яхши ҳис қилдим, аммо ўйиннинг бошланишини мен учун тайёргарлик деб ҳисоблаш мумкин", - дея марказий ҳимоячининг сўзларидан иқтибос келтиради испан ОАВлари.
Андреас Кристенсен тўлиқ ўйинни майдонда ўтказди ва "Барселона"нинг "Атлетико Мадрид" устидан қуруқ ғалаба қозонишига ёрдам берди - 1:0.
