Hujumchi Joau Feliks "Barselona"da ijara asosida o‘ynaydi. Kataloniya klubi portugaliyalik futbolchini sotib olmoqchi, biroq hammasi moliyaga bog‘liq. Mish-mishlarga ko‘ra, "Atletiko" 24 yoshli futbolchi uchun 70-80 million yevro olmoqchi. "Ko‘k-anorranglilar" buncha pul to‘lashga tayyor emaslar.

Mundo Deportivo nashri xabariga ko‘ra, "Barselona" Feliksni sotib olish uchun 30-40 million yevro taklif qilishni rejalashtirmoqda. Agar bu taklif rad etilsa, kataloniyaliklar futbolchining ijara muddatini yana bir mavsumga uzaytirish ustida ish olib boradi. Bu variant kataloniyaliklar uchun "B" rejasi.

2023/2024 yilgi mavsumda Joau Feliks 17 ta o‘yinda 5 ta gol urdi va sherigiga 3 ta golli uzatma berdi.