Ҳужумчи Жоау Феликс "Барселона"да ижара асосида ўйнайди. Каталония клуби португалиялик футболчини сотиб олмоқчи, бироқ ҳаммаси молияга боғлиқ. Миш-мишларга кўра, "Атлетико" 24 ёшли футболчи учун 70-80 миллион евро олмоқчи. "Кўк-анорранглилар" бунча пул тўлашга тайёр эмаслар.
Mundo Deportivo нашри хабарига кўра, "Барселона" Феликсни сотиб олиш учун 30-40 миллион евро таклиф қилишни режалаштирмоқда. Агар бу таклиф рад этилса, каталонияликлар футболчининг ижара муддатини яна бир мавсумга узайтириш устида иш олиб боради. Бу вариант каталонияликлар учун "Б" режаси.
2023/2024 йилги мавсумда Жоау Феликс 17 та ўйинда 5 та гол урди ва шеригига 3 та голли узатма берди.
