Joan Laporta La Liga qiziqarliligini yo‘qotganini rad etdi.

"Bu unday emas. Ispaniya ligasi Yevropadagi eng raqobatbardosh, menimcha, Angliyadan ham kuchliroq.

Bizda "Barselona", "Real", "Atletiko" va "Real Sosyedad" bor. Bu jamoalarning barchasi hozir Chempionlar ligasida o‘ynashmoqda. Bu ajoyib mavsumning yakuniy ifodasidir.

La Liga Yevropadagi eng raqobatbardosh ligalardan biri. Ko‘pchilik ispan jamoalari boshqa chempionatlarning istalgan jamoasi bilan o‘ynashi mumkin.

Hattoki, yuqori pog‘onada bo‘lmagan jamoalarimiz ham ajoyib futbol namoyish etishadi. Masalan, "Sevilya" eng yaxshi mavsumni o‘tkazmayapti, lekin ular juda yaxshi jamoa va ajoyib futbol o‘ynashadi.

Ispaniya chempionati Yevropa va dunyodagi eng raqobatbardosh ligadir”, dedi “Barselona” prezidenti.