Жоан Лапорта Ла Лига қизиқарлилигини йўқотганини рад этди.

"Бу ундай эмас. Испания лигаси Европадаги энг рақобатбардош, менимча, Англиядан ҳам кучлироқ.

Бизда "Барселона", "Реал", "Атлетико" ва "Реал Сосьедад" бор. Бу жамоаларнинг барчаси ҳозир Чемпионлар лигасида ўйнашмоқда. Бу ажойиб мавсумнинг якуний ифодасидир.

Ла Лига Европадаги энг рақобатбардош лигалардан бири. Кўпчилик испан жамоалари бошқа чемпионатларнинг исталган жамоаси билан ўйнаши мумкин.

Ҳаттоки, юқори поғонада бўлмаган жамоаларимиз ҳам ажойиб футбол намойиш этишади. Масалан, "Севилья" энг яхши мавсумни ўтказмаяпти, лекин улар жуда яхши жамоа ва ажойиб футбол ўйнашади.

Испания чемпионати Европа ва дунёдаги энг рақобатбардош лигадир”, деди “Барселона” президенти.