«Manchester Yunayted» yarim himoyachisi Donni van de Bek Erik ten Xag jamoasini tark etishga yaqin turibdi.

Jurnalist Fabrisio Romano xabariga ko‘ra, gollandiyalik futbolchi uchun kurashda Frankfurtning «Ayntraxt» klubi yetakchilik qilmoqda. Nemis jamoasi yarim himoyachini sotib olish opsiyasi bilan mavsum oxirigacha ijaraga olmoqchi.

Manbaning qayd etishicha, ayni damda Ispaniya chempionatida «Real»dan ikki ochko farq bilan peshqadamlik qilayotgan «Jirona» ham van de Bekni ijaraga olmoqchi. Biroq «oq-qizillar» «Manchester Yunayted»ga Frankfurtning «Ayntraxt»iga qaraganda kamroq pul taklif qilishadi.