"Nyukasl" bosh murabbiyi Eddi Xau jamoasining "Chelsi"ga qarshi Liga Kubogidagi mag‘lubiyati haqida fikr bildirdi.
"Bu juda og‘riqli. "PSJ" bilan o‘yindan keyin ham xuddi shunday his-tuyg‘ularni boshdan kechirgandim. Yigitlar juda ko‘p harakat qilishdi, katta vaqt davomida hisobda oldinda edik.
Balki ikkinchi bo‘limda texnik jihatdan unchalik yaxshi bo‘lmagandirmiz. Tanaffusgacha gol urdik va hujumda xavfli edik. Ikkinchi bo‘limda jamoa oldinda o‘z ustunligini yo‘qotdi, ammo yaxshi himoyalandi.
Hakam Moyses Kaysedoni o‘yin boshida chetlatish kerakmidi? "Men ham boshqalar kabi fikrdaman - bu qizil kartochka", - deya "Nyukasl" bosh murabbiyi so‘zlarini keltiradi BBC.
